Инсульт — әр минут аса маңызды болатын қауіпті жағдайлардың бірі. Ол кенеттен пайда болады және шұғыл медициналық көмекті қажет етеді.
Инсультпен күрес апталығы аясында алдын алудың және аурудың алғашқы белгілерін уақтылы танудың маңыздылығын еске саламыз.
Инсульттің негізгі белгілері
- Беттің асимметриясы, ауыз бұрышының төмен түсуі.
- Қолдың, аяқтың, әсіресе дененің бір жағының кенеттен әлсіреуі немесе ұйып қалуы.
- Сөйлеудің немесе айтылған сөзді түсінудің бұзылуы.
- Көрудің кенеттен нашарлауы.
- Тепе-теңдіктің бұзылуы, бас айналу, қимыл үйлесімінің жоғалуы.
- Кенеттен қатты бас ауруы.
Инсультке күдік туса, не істеу керек?
Дереу 103 нөмірі бойынша жедел жәрдем шақырыңыз. Белгілердің өздігінен өтуін күтпеңіз. Алғашқы белгілер пайда болған уақытты есте сақтаңыз.
Алдын алу
Инсульттің алдын алу артериялық қысымды, қандағы қант пен холестерин деңгейін бақылаудан, темекі шегуден бас тартудан, дұрыс тамақтанудан және тұрақты дене белсенділігінен басталады.
Өз денсаулығыңыз бен жақындарыңыздың денсаулығын сақтаңыз. Инсультті тани білу өмірді сақтап қалуы мүмкін!