Міндетті әлеуметтік медициналық сақтандыру (МӘМС) жүйесінде әр адам не сақтандырылған, не сақтандырылмаған болып саналады. Сақтандырылғандар МӘМС пакетіндегі көмекті алады: бейінді мамандардың кеңесі, диагностикалық зерттеулер, стационарда және күндізгі стационарда жоспарлы ем. Тегін медициналық көмектің кепілдік берілген көлемі (ТМККК) аясындағы көмек Қазақстан азаматтарына мәртебесіне қарамастан көрсетіледі.
Мәртебені қайдан тексеруге болады
- Әлеуметтік медициналық сақтандыру қорының fms.kz сайтында ЖСН бойынша;
- қордың Qoldau 24/7 мобильді қосымшасында;
- 1414 тегін байланыс орталығы арқылы;
- емхананың тіркеу бөлімінде, жеке куәлігіңізді ала келіңіз.
Егер сіз сақтандырылмаған болсаңыз
Жалдамалы жұмыскерлер жұмыс беруші олар үшін жарналарды уақтылы аударып тұрса, сақтандырылған болып саналады. Балалар, зейнеткерлер, жүкті әйелдер, мүгедектігі бар адамдар және басқа да бірқатар санаттар үшін жарналарды мемлекет төлейді. Жеке кәсіпкерлер мен өзін-өзі жұмыспен қамтығандар жарналарды өздері төлейді.
Жұмыс істеп жүрсеңіз де, мәртебеңіз «сақтандырылмаған» деп көрсетілсе, жұмыс берушіге хабарласыңыз: жарналар түспеуі мүмкін. Жиі қойылатын сұрақтарға жауаптар ТМККК және МӘМС бетінде жинақталған.
Қандай көмекті тегін алатыныңызға күмәніңіз болса, тіркеу бөліміне қоңырау шалыңыз: +7 (7252) 44-24-54. Сізге түсіндіріп береді.