Балабақшаға, бірінші сыныпқа барар алдында, сондай-ақ басқа мектепке ауысқанда балаға медициналық құжаттар қажет. Оларды бала тіркелген емхананың учаскелік педиатры ресімдейді. Тіркелген балалар үшін бұл тегін.
Өзіңізбен не алу керек
- баланың туу туралы куәлігі немесе жеке куәлігі;
- ата-ананың жеке куәлігі;
- егер бала бұрын басқа емханада бақылауда болса, екпелер туралы мәліметтер.
Тексеру қалай өтеді
Педиатр баланы қарап, жасына сай барлық екпелердің салынғанын тексереді және қажет болса бейінді мамандарға және талдауларға жолдайды. Бірінші сыныпқа баратын балаларды әдетте бірнеше маман қарайды, сондықтан емханаға баруды кейінге қалдырмаңыз.
Спорт секциясына және бассейнге бөлек анықтама керек, оны да дәрігер тексеруден кейін береді. Тегін көмекке кірмейтін анықтамалардың құны Ақылы қызметтер бетінде көрсетілген.
Педиатрға тіркеу бөлімінің телефоны арқылы жазылуға болады: +7 (7252) 44-24-54. Педиатрлардың қабылдау уақыты – Дәрігерлердің қабылдау кестесі бетінде.